आज नारायणी नदी किनारमा जीवित पशु ढुवानी प्रतिबन्ध जनचेतना दिवस २०२३ को अवसर पारेर पशु अधिकारकर्मी, पशु कल्याणकर्मी, तथा पशु प्रेमी केही युवाहरुले चेतनामुलक शान्तीपुर्ण प्रदर्शनीको आयोजना गरेका थिए ।
जीवित पशुलाई जिउने हक भएको प्राणीको साटो मानव स्वार्थको लागि वस्तुको रूपमा हेरिने भएकाले पनि आज मानवीयतासम्बन्धी राज्यको कानून निरीह बनेको हो । मानव अधिकार कानूनले सम्मानपूर्वक बाँच्न पाउने हक, सामाजिक सुरक्षाको हक, खाद्य, स्वास्थ्य, सरसफाइसम्बन्धी हकहरू प्रत्याभूत गरेको छ । मानव मात्र नभई सम्पूर्ण प्राणी, चराचर र जीवन जगत्लाई मानवीय रूपमा हेर्नु पर्ने यसभित्र उल्लेख छ । मानवीयताकै सन्दर्भमा पशु स्वास्थसम्बन्धी विश्व संगठनको पशुकल्याणसम्बन्धी निर्देशिकामा भोक प्यास र कुपोषणबाट स्वतन्त्रता, डर त्रास र तनावबाट स्वतन्त्रता, भौतिक तथा सित, तापजन्य असुविधाबाट सुरक्षित रहने स्वतन्त्रता, पीडा घाउचोट र रोगब्याधीबाट स्वतन्त्रता, सामान्य व्यवहार अभिव्यक्त गरी बाँच्न पाउने स्वतन्त्रता जस्ता स्वतन्त्रताहरूलाई आधारभूत सिद्धान्तको रूपमा उल्लेख गरिएको छ ।
जीवित पशुलाइ निर्मम र क्रुर व्यवहार गर्ने, पशु कल्याण र अधिकार विपरित पशुलाइ आहार मात्रको रूपमा हेर्ने र उनीहरू माथी हत्या, यातना, उपेक्षा र निर्दयी व्यवहार गर्ने अभ्यास विरूद्ध युवाहरूले सचेतनामुलक प्रदर्शनी गरेका हुन् ।
